Zelenski Rusiyanın hava gücünün “qanadlarını kəsəcəyini” söz verib
28.10.2022 20:00
Ukrayna prezidenti Volodimir Zelenski, Moskvanın son iki gündə Ukraynaya 30-dan çox "kamikadze” pilotsuz təyyarə hücumu təşkil etdiyini açıqladıqdan sonra Rusiyanın hava qüvvələrinin qanadlarını kəsəcəyinə söz verdi. Bu barədə Ukraynanın yerli KİV-ləri məlumat paylaşıb.
Prezident bildirib ki, fevraldan bəri Moskva 4500-ə yaxın raket zərbəsi və 8000-dən çox hava hücumu həyata keçirib.
Düşmüş İran Şahed pilotsuz təyyarəsinin yanında dayanan Zelenski Moskvanın hava gücünün "qanadlarını kəsəcəyini” vədini verib.
ABŞ və Böyük Britaniya rəsmiləri İranın Rusiyaya çoxlu sayda pilotsuz təyyarələr tədarük etdiyinə inanır, lakin Moskva və Tehran bunu inkar edir.
Kiyev öz infrastrukturuna bəzi hücumlarda istifadə edilən pilotsuz təyyarələrin İranın Şahed-136 pilotsuz təyyarələri olduğunu müəyyən edib.
Fevralın 24-dən etibarən Rusiya Ukraynada hərbi əməliyyatlar keçirməyi qərara alıb. Nəticədə Ukraynanın bir çox əraziləri dağıdılıb. Müharibə nəticəsində Rusiyaya qarşı Amerika və Avropanın bir çox şəhərləri tərəfindən sanksiyalar tətbiq olunub.
Kənan Əzizli
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
