Ermənistanda Paşinyan daxil olmaqla məmurların əmlakı yoxlanılacaq
23.11.2022 12:08
Ermənistan Korrupsiyaya Qarşı Mübarizə Komissiyası Milli Təhlükəsizlik xidmətinə onlara məxsus əməliyyat-axtarış qrupunun bütün dövlət məmurlarının əmlakının yoxlaması tələbi ilə rəsmi müraciət edib. Məqsəd məmurların bəyan edilməyən biznesi, daşınmaz və ya daşınar əmlakı var barədə informasiya əldə etməkdir. Bu barədə Ermənistanın Joqovurd qəzeti etibarlı mənbələrə istinadən məlumat verir.
"Öyrəndik ki, Korrupsiyaya Qarşı Mübarizə Komissiyası çoxsaylı dövlət rəsmilərinin - Ermənistanın baş naziri, baş nazirin müavinləri, parlament sədri, deputatlar və s. adlarını çəkib. Hüquq-mühafizə orqanlarının yoxlamalarının hansı nəticələrə gətirib çıxaracağını öyrənmək üçün hadisələri izləyəcəyik. Onlar real olacaqlar, yoxsa sadəcə təqiblərə səbəb olacaqlar bilmək olmaz”, - nəşr qeyd edib.
"Joqovurd” qəzeti bir qədər əvvəl yazmışdı ki, Ermənistanın hökumət rəsmiləri bu günlərdə Korrupsiyaya Qarşı Mübarizə Komissiyasından bildirişlər alıb.
Bildirişdə komissiya dövlət məmurlarına konkret suallar verib və onların konkret biznes və ya əmlakın idarə edilməsi ilə əlaqələri barədə məlumatlandırılmalarını tələb edib. Kütləvi dinləmələrin keçiriləcəyi və məmurların fəaliyyətinin ifşasına başlanılıcağı istisna edilmir.
N.Təbrizli
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
