Bir qrup erməni Torontoda Azərbaycan əlehinə aksiya keçirib

 

Etirazçılar beynəlxalq ictimaiyyətdən humanitar fəlakətin qarşısını almaq üçün tədbirlər görməyi tələb ediblər.

 

Dekabrın 12-dən bir qrup QHT nümayəndələri və ekoaktivistlər Qarabağda faydalı qazıntı yataqlarnın qanunsuz istismarı əlehinə Xankəndi - Laçın yolunda etiraz aksiyası keçirir. Onlar Qarabağ iqtisadi rayonunda ekoloji terrora son qoyulması tələbi edirlər. 

 

Aksiya keçirilən 15 gün ərzində Sülhməramlı kontintengə məxsus bir neçə nəqliyyat vasitələrinin maneəsiz şəkildə hərəkət etməsi təmin olunub.

 

Bu dövr ərzində bir çox beynəlxalq təşkilatlar və ölkələr iki ölkə arasında gərginliyi azaltmağa çağırıb. 

 

2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və "AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb.

 

Gülnar Nazimqızı