İranda siyasi və ictimai fəallar məhbusların azad edilməsini tələb edib

Bəyanatda repressiyalara, həbslərə və qətllərə son qoyulmasının, bütün siyasi və ideoloji məhbusların dərhal və qeyd-şərtsiz azad edilməsinin zəruriliyi vurğulanır.

İranda aksiya zamanı ölən şəxslərin sayı 476- nəfərə çatıb.

Ölkənin 31 əyalətindən 25-i ilə bağlı məlumatların yer aldığı hesabata görə, ən çox itki sünnilərin cəmləşdiyi Sistan-Bəlucistan əyalətində baş verib.

Cari ilin sentyabrın 16-dan başlayaraq İranda etiraz aksiyaları keçirilir.
 
22 yaşlı Məhsa Əmininin əxlaq polisi tərəfindən zorakılığa məruz qalması və bir müddət sonra xəstəxanada vəfat etməsi ölkədə ictimai-siyasi vəziyyəti gərginləşdirib. Etirazçılar ölkədə hakimiyyətin dəyişməsini tələb edirlər. Aksiyalar zamanı 10 mindən çox etirazçı saxlanılıb. Onlar arasında xarici ölkə vətəndaşları da var.