Mixail Saakaşvilini azad etmək üçün Tbilisidə qərargah yaradılıb

Milli Hərəkat Tbilisidə Mixail Saakaşvilinin azad edilməsi üçün qərargah yaradır.

"Qruziya Online” saytının məlumatına görə, bunu mətbuat konfransında "Milli Hərəkat”ın sədri Levan Xabeişvili deyib.

Onun sözlərinə görə, indiki şəraitdə Milli Hərəkatın paytaxtda, o cümlədən struktur baxımdan güclü olması vacibdir.

"Ona görə də bu gün biz paytaxtda, Brosse küçəsində Mixail Saakaşvilinin azadlığa buraxılması üçün qərargah açırıq ki, bu da eyni zamanda BMT-nin Tbilisidəki mərkəzi ofisi olacaq. Paytaxtda yüz minlərlə olan tərəfdarlarımızı ofisimizə gəlməyə, qeydiyyatdan keçməyə, "Rus arzusu” üzərində qələbənin iştirakçısı olmağa çağırıram. Partiyanın Tbilisidə güclü olması üçün biz İrakli Nadiradzenin başçılığı ilə işçi qrup yaratmışıq. Onun vəzifəsi Tiflisdə "Milli Hərəkat”ı yenidən təşkil etmək, onun strukturunu təkmilləşdirməkdən ibarət olacaq ki, partiya həmişəkindən daha güclü olsun. Paralel olaraq, Milli Hərəkatın rəsmi səhifəsində konkret müraciət yerləşdiriləcək, onun vasitəsilə hər biriniz qeydiyyatdan keçə biləcəksiniz”, - Levan Xabeişvili bildirib.

Avropa Parlamenti Gürcüstan hakimiyyətindən eks-prezident Mixail Saakaşvilini həbsdən azad etməyi tələb edən qətnamə qəbul edib.

Qətnamədə deyilir ki, "humanitar səbəblərə görə və siyasi qütbləşməni azaltmaq üçün” eks-prezident Mixail Saakaşvili azadlığa buraxılmalı və "xaricdə lazımi müalicə almasına icazə verilməlidir”.


www.anews.az