Rusiya Ermənistandan süd məhsullarının idxalına qadağa qoyub

Ermənistandan Rusiyaya süd məhsullarının ixracına qadağa qoyulub. Bu barədə news.az-a açıqlamasında  Ermənistanın Qida Təhlükəsizliyi Müfəttişliyinin ictimaiyyətlə əlaqələr şöbəsinin rəhbəri Anuş Arutunyan bildirib.

 

Məlumata görə, Ermənistanın süd məhsulları istehsal edən bütün müəssisələrindən idxala məhdudiyyət qoyulması məsələsi müzakirə olunacaq.

 

Belə ki, həmin ölkədəki süd emalı müəssisələri İran istehsalı olan və Rusiyada qadağan edilmiş xammaldan istifadə edir.

Həmçinin Ermənistanda süd emalı müəssisələrinin fəaliyyətinə dövlət baytarlıq nəzarətinin olmadığını da qeyd edilib. Bununla Rusiyaya keyfiyyətsiz və təhlükəli məhsulların ixracı riski yarandığı bildirilib.

 

Aytac Zeynalova