Rusiyanın itkiləri açıqlanıb
25.04.2023 09:59
Rusiya Ukrayna müharibəsi nəticəsində bu günə qədər Rusiyanın 187 770 hərbçisi məhv edilib. Bu barədə Ukrayna Silahlı Qüvvələrinin Baş Qərargahı məlumat yayıb.
Bildirilir ki, son sutkada Ukrayna Rusiyanın müxtəlif tipli 10 PUA-sını vurub.
"Ukrayna ərazisinə 70 raket zərbəsi endirilib. Ukraynanın bütün ərazisinə raket və hava zərbələrinin endirilməsi ehtimalı yüksək olaraq qalır. Rusiyanin əsas səylərini Baxmut, Avdivka və Marinka ərazilərinə yönəldib. Baxmut və Marinka uğrunda şiddətli döyüşlər davam edir”.
Bundan əlavə, Ukrayna Hərbi Hava Qüvvələri son sutka ərzində işğalçıların şəxsi heyətinin və hərbi texnikasının cəmləşdiyi ərazilərə 9, eləcə də zenit-raket komplekslərinə 3 zərbə endirib.
Rusiya indiyədək müharibədə 3688 ədəd tank, 7151 ədəd zirehli döyüş maşını, 2863 ədəd artilleriya sistemi, 539 ədəd RYAS (reaktiv yayılım atəş sistemi), 291 hava hücumundan müdafiə sistemi, 308 ədəd hərbi təyyarə, 294 ədəd helekopter, 5784 ədəd avtomobil texnikası, 2437 ədəd PUA, 911 qanadlı raket, 18 gəmi/qayıq, 345 xüsusi avadanlıq itirib.
Ötən ilin 24 fevralında Rusiyanın Ukraynaya hücumu nəticəsində başlayan müharibə hələ də davam edir.
Eltac Nurullazadə
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
