İran və Rusiya birgə gəmiçilik şirkəti yaratmaq niyyətindədir

İran və Rusiya beynəlxalq sanksiya və ikitərəfli əlaqələrin genişləndirilməsi fonunda birgə gəmçilik şirkətinin yaradılması planlarını müzakirə edib.

Sankt-Peterburq şəhərində Beynəlxalq İqtisadi Forumda (BİF) iştirak etmək üçün Rusiyaya səfər edən İranın yol və şəhərsalma naziri Mehrdad Bəzrpaş Rusiya Prezidenti Vladimir Putinin köməkçisi İqor Levitin və Volqa çayı bölgəsinin qubernatorları ilə görüşdə Tehran və Moskva arasında ortaq gəmiçilik şirkətinin yaradılması, iki ölkə arasında ticarət və tranzitin genişləndirilməsi, Rusiyanın üç limanında çay qovşağının yaradılması layihəsi və ümumilikdə İranla Rusiya arasında əlaqələrin genişləndirilməsini müzakirə ediblər.

İranlı nazir mümkün qədər tez bir zamanda birgə yükdaşıma şirkətinin fəaliyyətə başlamasına çağırış edib.

Ötən ay CNN Tehranın Moskvaya şübhəli silah yüklərini ötürmək üçün Xəzər dənizindən istifadə etdiyinə dair xəbər yaymışdı.