Rusiyanın itkilərinin sayı açıqlanıb
15.08.2023 10:10
Son sutkada Ukrayna qüvvələri Rusiyanın 540 hərbçisini məhv edib. Bu barədə Ukrayna Silahlı Qüvvələrinin Baş Qərargahında bildirilib.
Məlumata görə, müharibə başlayandan bu günə kimi Rusiyanın ümumi itkilərinin sayı 254 920 nəfər olub.
Bildirilir ki, Rusiyaya məxsus 7 tank, 16 zirehli döyüş maşını, 29 artilleriya sistemi Ukrayna ordusu tərəfindən sıradan çıxarılıb.
Rusiya ötən gün axşam saatlarında ballistik raketlərlə Ukrayna ərazisinə hücum edib. Bu barədə Ukrayna Prezident Ofisinin rəhbərinin müşaviri Mixaylo Podolyak "X"də yazıb.
O bildirib ki, Lvov, Lutsk və Dnepr vilayətlərindəki yaşayış binaları, sənayə müəssisələri qanadlı və ballistik raketlərlə hücuma məruz qalıb.
Ukrayna Rusiya müharibəsi ötən ilin fevralın 24-dən Rusiyanın Ukraynaya hücumu nəticəsində başlayıb. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
Aytac Zeynalova
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
