Bəzi ölkələrdə koronavirusa yoluxma və ölüm kəskin artıb - ÜST
26.08.2023 09:19
Koronavirusa yoluxma hallarının qlobal azalması fonunda bəzi ölkələrdə xəstəxanaya yerləşdirmə və ölüm halları kəskin artmaqdadır.
Bu barədə ÜST-nin baş direktoru Tedros Adhanom Qebreyesus Cenevrədə keçirilən brifinqdə deyib.
"Biz bütün dövlətləri EG.5 və BA.2.86 kimi yeni ştamların yayılma riskini qiymətləndirə bilməmiz üçün nəzarəti gücləndirməyə çağırırıq”.
O vurğulayıb ki, bu ilin may ayında COVID-19-a yoluxma halının azalmasına baxmayaraq, bu xəstəlik sağlamlıq üçün qlobal təhlükə olaraq qalır.
Təşkilatın Cenevrədə dərc olunan məlumat hesabatında deyilir ki, iyulun 24-dən avqustun 20-dək dünyada 1,47 milyondan çox insan koronavirusa yoluxub və 2 000-dən çox insan ölüb. Əvvəlki 28 günlə müqayisədə yoluxanların sayı 63 % artıb, ölənlərin sayı isə 48 % azalıb. Səkkiz ölkə xəstəxanaya müraciətlərin 20 % və ya daha çox artdığını bəyan edib. Onların arasında Banqladeş, Yunanıstan, İslandiya, Meksika və ABŞ var. EG.5 ştamı 53 ölkədə aşkarlanıb.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
