Yaponiya Qarabağdan gedən ermənilərə 2 milyon dollar ayırıb

 

Bildirilib ki, "yardım" səhiyyə, su təchizatı,qeyri-ərzaq malları üzrə ərclənəcək. 

 

Bundan əvvəl İtaliya Qarabağ erməniləri üçün 4 milyon avro, ABŞ isə 11,5 milyon dollar ayıracağını açıqlayıb. 

 

Ermənistanın baş naziri Nikol Paşinyan Qarabağdan qayıdan vətəndaşlara 20 milyon dollar ayıracağını söyləyib. 

 

Rəsmi Bakı Qarabağda yaşayan ermənilər üçün bir neçə yardım göndəərib. 
 
Belə ki,  22 sentyabrda ümumi 40 ton məhsul olan 2 yük maşınında 6 min çörək, 1200 qutu ərzaq və 1200 qutu gigiyenik məhsul, 9 600 uşaq bezi, 
sentyabrın 23-də 40 ton benzin, 24 ton dizel yanacağı, sentyabrın 25-də Xankəndi yaxınlığında yanacaqdoldurma məntəqəsindəki partlayışda zərər çəkən 200 nəfər üçün tibbi ləvazimatlar, sentyabrın 26-da 65 500 ədəd müxtəlif növ gigiyenik məhsullar, bir yük maşınında 500 yataq dəsti, 30 ton benzin, 50 ton dizel yanacağı, 68 ton benzin, iki yük maşınında 22,3 ton içməli su, iki yük maşınında 40 ton un yardım göndərilib. 


Sentyabrın 27-də əraziyə Fövqəladə Hallar Nazirliyinin 50 nəfərlik canlı qüvvə ilə 10 xüsusi təyinatlı yanğınsöndürmə maşını göndərilib. Xocalıda səhra xəstəxanası və mətbəxlərin quraşdırılmasına başlanılıb. Erməniəsilli şəxslər 32 ton qaz, 23 160 peçenye, 10 000 şokolad, 31 860 şüşə içməli su ilə təchiz ediliblər. 29 sentyabrda Xocalıda səhra xəstəxanasının quraşdırılması işini asanlaşdırmaq üçün Fövqəladə Hallar Nazirliyi tərəfindən 53 avtomobil və zəruri avadanlıq göndərilib. Azərbaycan xilasediciləri Xankəndi yaxınlığında baş vermiş partlayış nəticəsində 48 nəfərin cəsədini dağıntılar altından çıxarıblar.
 

 

Sentyabrın 19-da Azərbaycan Qarabağda lokal əməliyaytların keçirilməsini elan edib. Bir gün sonra Rusiya sülhməramlılarının vasitəçiliyi ilə tərəflər arasında atəşkəs haqqında razılıq əldə olunub. Sentyabrın 28-də Qarabağın qondarma "rəhbəri" Samvel Şahramanyan 2024-cü il yanvarın 1-dək separatçı rejimin ləğv olunmasını elan edib. Bildirib ki, Qarabağda qalmaq istəyən vətəndaşlar Azərbaycanın təklif etdiyi reinteqrasiya ilə bağlı təqdim olunan sənədlə tanış ola bilərlər. 
 
Gülnar