Hindistan soğan ixracına qoyulan qadağanı götürə bilər

Hindistan hökuməti soğan üçün daxili qiymətlərin sürətlə aşağı düşməsi fonunda bu tərəvəzin ixracına qoyulmuş qadağanın ləğvi imkanlarını fəal şəkildə müzakirə edir. Bu barədə EastFruit saytı yazıb.

Hazırda Hindistanda soğan ixracına qadağa 31 mart 2024-cü il tarixinədək qüvvədədir. Lakin başlanmış soğan yığımı və qiymətlərin aşağı düşmə tendensiyası davam edən bir şəraitdə bir çox bazar iştirakçıları bu qadağanın yaxın gələcəkdə qaldırıla bilər.

Daxili bazarda soğanın qiyməti qadağa tətbiq olunandan bəri artıq yarıdan çox ucuzlaşıb ki, bu da bazara yeni soğan məhsulunun gəlməsini nəzərə alaraq fermer və tacirlərin ciddi narazılığına səbəb olur. Mütəxəssislərin fikrincə, vəziyyət təhdidedici xarakter alır və soğanın qiymətinin aşağı düşməsinə səbəb ola bilər.

Hindistan dünyanın ən böyük soğan ixracatçısıdır. Hər il bu ölkə 1,5-2,2 milyon ton təzə soğan ixrac edir. Lakin Hindistan əsasən qırmızı soğan sortları ixrac etdiyi üçün Avropa və Orta Asiyadan gələn soğanlarla birbaşa rəqabət aparmır.

Hindistandan soğanın əsas alıcıları Banqladeş, Malayziya, Şri-Lanka, Nepal və İndoneziya kimi Asiya ölkələri, həmçinin Yaxın Şərq ölkələri: BƏƏ, Qətər, Oman və Küveytdir.


www.anews.az