Hizbullahın ikinci mühüm komandiri öldürülüb

İsrail ordusu rəsmi bəyanatında Hizbullahın ikinci mühüm komandiri Fuad Möhsün Şükrün Beyruta endirilən zərbədə öldürüldüyünü təsdiqləyib.

Sky News Arabia xəbər verir ki, Hizbullah komandiri Fuad Şükr İsrailin Beyruta endirdiyi zərbə nəticəsində öldürülüb.

İsrail ordusu həmçinin etdiyi zərbələr nəticəsində 17 nəfərin yaralandığını və onlardan 6-nın uşaq olduğunu bildirib. 

Bundan əlavə, İsraildə internet saytlarının istifadəçiləri bütün ölkə ərazisində GPS naviqatoru, həmçinin Waze və Google Maps mobil telefon proqramları ilə bağlı problemlərdən xəbər verirlər.

Hizbullah yaraqlıları da Beyrutun cənub kənarında yerləşən qərargahına hava hücumundan sonra İsrail ərazisinə cavab zərbəsi endiriblər.

Təşkilat rəhbərliyindəki mənbə Sky News Arabia-ya bildirib ki, yaraqlılar Yuxarı və Qərbi Qalileyə kamikadze pilotsuz uçan aparatlarla bir neçə uçuş həyata keçirib.



Əl-Ərəbiyyə telekanalı bildirib ki, yenilənmiş məlumatlara görə, İsrail Fuad Şükrü (Əl-Hacca Muhsin) aradan qaldırmağa nail olub. Telekanalın məlumatına görə, onun cəsədi Beyrut xəstəxanalarından birinə aparılıb. 

Üsyançı Ənsar Allah hərəkatından olan husilər İsrailin Beyruta hücumunu pisləyərək bunu "Livanın suverenliyinin və beynəlxalq humanitar hüququn açıq şəkildə pozulması” adlandırıblar.

İsrail Hərbi Hava Qüvvələrinin qırıcıları Beyrutun cənub ətrafına, Hizbullah polis idarələrinin yerləşdiyi ərazilərə dörd raket zərbəsi endirib. TASS-ın Xaret-Xoreyk vilayəti administrasiyasındakı mənbəyə istinadən verdiyi xəbərə görə, ilkin məlumata görə, silahlı birləşmələrin iki komandiri öldürülüb.


"Zərbə Livan paytaxtının cənubundakı "Hizbullah” qərargahından 100 metr aralıda, Bəhmən xəstəxanasının yerləşdiyi ərazidə həyata keçirilib. "Raketlərin düşdüyü yerdə bir neçə ev dağıdılıb, park edilmiş avtomobillərə ziyan dəyib”,  - mənbə bildirib. 





www.anews.az