Putin Təhlükəsizlik Şurası ilə Ukraynadakı müharibəni müzakirə edib

"Bu gün biz xüsusi hərbi əməliyyat zamanı istifadə olunan yeni texniki həllər haqqında danışacağıq", - Putin avqustun 16-da Təhlükəsizlik Şurasında keçirilən iclasda deyib.

Avqustun 9-da baş tutan əvvəlki görüşdə Putin və Təhlükəsizlik Şurasının üzvləri terrorizmlə mübarizə məsələlərini müzakirə ediblər. Prezident avqustun 12-də Novo-Oqarevodakı iqamətgahında ölkənin sərhədyanı rayonlarındakı vəziyyətlə bağlı müşavirə keçirib. Burada Təhlükəsizlik Şurasının, hökumətin üzvləri, prezident administrasiyasının nümayəndələri, hüquq-mühafizə orqanlarının rəhbərləri, həmçinin Belqorod, Bryansk və Kursk vilayətlərinin rəhbərləri iştirak ediblər.