Türk lirəsi ilin sonuna qədər dollar qarşısında ən aşağı həddinə çata bilər

Türkiyənin milli valyutası ilin sonuna qədər dollar qarşısında yeni tarixi minimuma çataraq, bir dollar üçün 36 lirəyə kimi ucuzlaşa bilər. Bu barədə TGRT Haber telekanalı məlumat yayıb.

Ötən həftə lirə bir dollar üçün 35 lirə həddini keçərək daha bir antirekordu yenilədi. Türkiyə Mərkəzi Bankının məlumatına görə, dekabrın 23-də 1 dolların dəyəri 35,06 lirə təşkil edir.

Telekanal qeyd edir ki, ekspertlər və valyuta bazarları vəziyyəti diqqətlə izləyir, dolların ilin sonuna qədər 36 lirəyə çata biləcəyini gözləyirlər.

Lirə 7 aydır ki, dollar qarşısında ucuzlaşır.

Sentyabrın 19-da Türkiyə Mərkəzi Bankı iclasdan sonra əsas faiz dərəcəsini illik 50% səviyyəsində saxlamaq qərarına gəlib. 2024-cü ilin martından bu səviyyədə qalıb. Üstəlik, bu, 2002-ci ildən bəri onun maksimum ölçüsüdür. Avqustun sonunda Türkiyədə inflyasiya illik 51,97% təşkil edib, ölkənin birjasında itkilər dünyada ən böyük itkiyə çevrilib , lirənin məzənnəsi tarixi minimuma düşüb.

Aytac 
www.anews.az