Rusiya ilə ABŞ arasında uçuşlar bərpa oluna bilər

Rusiya Amerika tərəfinə birbaşa hava nəqliyyatının bərpası imkanlarını nəzərdən keçirməyi təklif edib. Bu barədə Rusiya Xarici İşlər Nazirliyinin Şimali Atlantika Departamentinin direktoru Aleksandr Darçiyevlə ABŞ dövlət katibinin müavini Sonata Kulter arasında aparılan danışıqların yekunlarına dair bəyanatında deyilir .

XİN-dən bildirilib ki, müzakirələr məzmunlu və işgüzar xarakter daşıyıb. Tərəflər bu kanal vasitəsilə dialoqu davam etdirmək barədə razılığa gəliblər. Rusiya Xarici İşlər Nazirliyinin məlumatına görə, birbaşa hava hərəkətinin bərpası təklifi “xüsusi planda” öz əksini tapıb.

Fevralın 18-də Səudiyyə Ərəbistanının paytaxtı Ər-Riyadda ABŞ və Rusiya nümayəndə heyətləri arasında danışıqlar baş tutub. Görüş bir sıra iqtisadi layihələr üzrə əməkdaşlığın bərpasına, o cümlədən Ukrayna nizamlanması üzrə mümkün təmasların hazırlanmasına və iki ölkə prezidentləri arasında görüşlərin təşkilinə həsr olunub. Rusiya nümayəndə heyətini Rusiya liderinin köməkçisi Yuri Uşakov və Rusiyanın xarici işlər naziri Sergey Lavrov təmsil ediblər.

Aytac