Tramp və Zelenski arasında telefon danışığı başa çatıb - Yenilənib

ABŞ prezidenti Donald Tramp və Ukrayna prezidenti Vladimir Zelenski arasında telefon danışığı başa çatıb. Amerika lideri bu barədə “Truth Social” sosial şəbəkəsində yazıb.

"Ukrayna prezidenti Zelenski ilə indicə çox yaxşı telefon danışığı oldu. Təxminən bir saat davam etdi. Söhbətin böyük hissəsi dünən Rusiya Federasiyasının prezidenti Vladimir Putinlə Rusiya və Ukraynanın istək və ehtiyaclarını əlaqələndirmək üçün edilən zəng üzərində quruldu", - Tramp deyib.

Amerika liderinin sözlərinə görə, o, ABŞ dövlət katibi Marko Rubio və milli təhlükəsizlik müşaviri Mayk Valsdan müzakirə olunan məsələlərin dəqiq təsvirini verməsini istəyib. Müvafiq bəyanat yaxın vaxtlarda dərc olunacaq.

18:42

ABŞ Prezidenti Donald Trampla Ukrayna Prezidenti Volodimir Zelenski arasında telefon danışığı başlayıb.Bu barədə Ağ Ev məlumat yayıb.

“Prezident Tramp Oval kabinetdə Ukrayna Prezidenti Volodimir Zelenski ilə telefon danışığı aparır", - məlumatda bildirilib.