Qafqazda müəyyən müsbət irəliləyişlər var - KTMT-nin baş katibi

Kollektiv Təhlükəsizlik Müqaviləsi Təşkilatı (KTMT) Ermənistan və Azərbaycan arasında sülh müqaviləsinin tezliklə imzalanmasını gözləyir, bunu KTMT-nin baş katibi İmanqali Tasmaqambetov bildirib. 

“Qafqazda müəyyən müsbət irəliləyişlər var. Bu, Ermənistan və Azərbaycanın danışıqların başa çatması və iki ölkə arasında dövlətlərarası sənədin mətni üzrə razılaşması barədə bəyanatıdır. Biz ümid edirik ki, sənəd ən qısa zamanda imzalanacaq və onun icrasının Cənubi Qafqazda sülh və sabitliyə etibarlı yol açacağını gözləyirik, -  o, KTMT Parlament Assambleyası Şurasının iclasında bildirib.

Kollektiv Təhlükəsizlik Müqaviləsi Təşkilatının  "Sarsılmaz qardaşlıq” adlı təlimləri artıq bir dəfə  2015-ci ildə Ermənistanda keçirilib. Həmin təlimlərdə  Rusiya Mərkəzi Hərbi Dairəsinin sülhməramlı briqadasının hərbçiləri, o cümlədən Ermənistan, Qazaxıstan, Belarus, Qırğızıstan və Tacikistandan olan 500-ə yaxın hərbçi iştirak edib.

2022-ci ildə KTMT ölkələrinin "Sarsılmaz qardaşlıq” hərbi təlimləri Qırğızıstanda keçirilməli idi, lakin bu ölkənin Müdafiə Nazirliyi səbəbini açıqlamadan təlimləri ləğv edib. 

KTMT 1994-cü ildə qüvvəyə minib. O zaman təşkilat 9 ölkədən ibarət olub. Daha sonra  Azərbaycan, Gürcüstan və Özbəkistan bu təşkilatı tərk edib.
 
Gülnar