Rusiyanın Ukraynanın şəhərlərinə hücumları nəticəsində 20 nəfər ölüb

Ukraynanın Dnepropetrovsk vilayətinə iyunun 24-də edilən Rusiya hücumu nəticəsində 20 nəfər həlak olub, təxminən 300 mülki şəxs yaralanıb. Bu barədə vilayət hərbi administrasiyasının rəhbəri Serhiy Lysak məlumat verib.

Onun sözlərinə görə, Dnepr şəhərində 18, Samarda isə 2 nəfər ölüb. Regionda matəm elan olunub.

İyunun 25-nə keçən gecə və səhər saatlarında Nikopol şəhəri FPV dronlarla vurulub, xəsarət alan olmayıb.

Xarkov vilayətinin Kupyansk şəhərində idarə olunan aviabomba çoxmərtəbəli yaşayış binasını dağıdıb, beş mülki şəxs yaralanıb.

Xarkovda isə 7 ədəd “Şahed” pilotsuz təyyarəsi göndərilib.

Zərbələr mülki obyektə və yaşayış binasının yaxınlığına düşüb. Mer İqor Terexovun sözlərinə görə, bir nəfər xəsarət alıb.

N.Təbrizli