Türkiyədə FETÖ-yə qarşı yeni əməliyyat - 49 nəfər saxlanılıb

Türkiyədə FETÖ terror təşkilatına qarşı 29 vilayətdə keçirilən əməliyyatlarda 49 nəfər saxlanılıb.Bu barədə “TRT Haber” xəbər verib.

Daxili işlər naziri Ali Yerlikaya saxlanılanlardan 39 nəfərinin məhkəmənin qərarı ilə həbs edildiyini bildirib.

Həmin şəxslər sosial şəbəkələrdə FETÖ ilə bağlı təbliğat aparmaqda, təşkilat üzvləri ilə gizli əlaqə qurmaqda və maliyyə dəstəyi göstərməkdə ittiham olunurlar. 

Əməliyyat zamanı çox sayda sənəd və elektron avadanlıq da ələ keçirilib.