Niderlandda məhkumluğu olan miqrantların deportasiyası təklif edilib

Niderlandın ifrat sağçı Azadlıq Partiyası sığınacaq axtaranların qəbulunun tam dayandırılmasını, qaçqınların yerləşdirildiyi mərkəzlərin bağlanmasını, həmçinin ən azı bir dəfə məhkum olunmuş miqrantların ölkədən çıxarılmasını tələb edib.Bu barədə TASS partiyanın yenilənmiş proqramına istinadən məlumat yayıb.

Azadlıq Partiyası yeni qaçqınların qəbuluna “tam qadağa” qoymağı və bütün yerləşdirmə mərkəzlərini bağlamağı vəd edir.

Partiya bildirir ki, Niderlandda hər 11 gündən bir yeni qaçqın mərkəzi açılır və ümumilikdə belə müəssisələrin sayı 300-dən çoxdur.