Mirzoyan Əliyev və Ərdoğanı Ermənistana dəvət edib

Ermənistan hakimiyyəti Azərbaycan Prezidenti İlham Əliyevi və Türkiyə Prezidenti Rəcəb Tayyib Ərdoğanı gələn ilin mayda İrəvanda keçiriləcək Avropa Siyasi Birliyinin (ASB) zirvə toplantısına dəvət edib. Bunu Ermənistanın xarici işlər naziri Ararat Mirzoyan jurnalistlər üçün keçirdiyi brifinqdə bildirib.

Onun sözlərinə görə, “Azərbaycan və Türkiyə sammitdə ən yüksək səviyyədə iştirak etməyə dəvət olunub və hazırda bu dəvətlərin sənədləşdirilməsi prosesi davam edir.”

 Avropa Siyasi Birliyi 2022-ci ildə Fransa Prezidenti Emmanuel Makronun təşəbbüsü ilə Avropa qitəsində təhlükəsizlik, enerji və iqtisadi əməkdaşlıq məsələlərinin müzakirəsi üçün yaradılıb.

Təşkilatın son zirvə toplantısı 2024-cü ilin oktyabrında İspaniyada keçirilib. Ermənistanın ev sahibliyi edəcəyi sammit Cənubi Qafqazda sülh prosesi və regional əməkdaşlığın müzakirəsi üçün növbəti platforma kimi nəzərdən keçirilir.

Aytac