Apreldə zəhərlənənlərin sayı açıqlanıb

Kliniki Tibbi Mərkəzin Toksikologiya şöbəsinə 2026-cı ilin aprelində müxtəlif mənşəli zəhərlənmə halları ilə bağlı ümumilikdə 79 nəfər hospitalizasiya olunub.

Mərkəzdən verilən məlumata görə, vaxtında aparılan müalicə tədbirləri nəticəsində 74 pasiyentin vəziyyəti stabilləşdirilib və onlar ambulator müalicə üçün evə buraxılıblar.

Zəhərlənmə səbəbləri arasında 31 hal dərman preparatları, 19 hal sirkə turşusu, 5 hal siçan dərmanı (rodentisid), 3 hal həşərat dərmanı, 3 hal yeyici məhlullar, 1 hal yandırıcı maddə, 3 hal ilan sancması, 6 hal allergik reaksiya, 2 hal spirtli içki, 3 hal anafilaktik şok və 3 hal fosfor üzvi birləşmələr ilə bağlı olub.

Bildirilib ki, bütün pasiyentlərə ixtisaslaşmış toksikoloji yardım, o cümlədən intensiv terapiya və detoksikasiya tədbirləri tətbiq edilib.

Buna baxmayaraq, 5 nəfərin (1 qadın, 4 kişi) həyatını xilas etmək mümkün olmayıb. Ölüm hallarının əsas səbəbləri spirtli içki, fosfor üzvi birləşmələr və sirkə turşusu ilə zəhərlənmə nəticəsində yaranan ağır toksik vəziyyətlə əlaqələndirilib.

Gülnar