Ermənistanın səfiri Rusiya XİN-ə çağırılıb

Ermənistanın Rusiyadakı səfiri Qurgen Arsenyan Rusiya Xarici İşlər Nazirliyinə çağırılıb və nazir müavini Mixail Qaluzinlə görüş keçirib.Bu barədə Rusiya XİN məlumat yayıb.

Görüşdə Avropa İttifaqının himayəsi altında Ermənistanda təşkil edilən tədbirlər çərçivəsində Ukrayna Prezidenti Vladimir Zelenskiyə Moskvanın “Rusiyaya qarşı terror təhdidləri” kimi qiymətləndirdiyi bəyanatları səsləndirmək üçün platforma verilməsi narazılıqla qarşılanıb.

Moskva bu addımları kəskin tənqid edərək, onların Rusiya ilə Ermənistan arasında mövcud tərəfdaşlıq ruhuna zidd olduğunu bildirib. Rusiya tərəfi həmçinin İrəvanın buna rəsmi münasibət bildirməməsini qəbuledilməz sayıb.

Ermənistan səfiri isə Rusiya tərəfinin mövqeyini ölkəsinin rəhbərliyinə çatdıracağını bildirib.