Keşm adası və Bəndər-Abbas limanında partlayış səsləri eşidilib - Yenilənib

İranın Bəndər-Abbas limanı və Keşm adası yaxınlığında baş verən partlayışlarla İsrailin əlaqəsi yoxdur.Bu barədə İranın "Fars" agentliyi məlumat yayıb.

Məlumata görə, İsraildən olan mənbə "i24NEWS" telekanalına açıqlamasında Təl-Əvivin İranda baş verən hadisələrlə əlaqəsinin olmadığını bildirib.

Eyni zamanda, bəzi mənbələr partlayışların baş verdiyi ərazinin Birləşmiş Ərəb Əmirliklərinin qırıcıları tərəfindən vurulduğunu iddia edib. Lakin bu məlumatlar rəsmi şəkildə təsdiqlənməyib.

Hadisənin səbəbləri və irəli sürülən iddialarla bağlı araşdırmalar davam edir.

***

İranın Keşm adası və Bəndər-Abbas limanının ərazisində bir neçə partlayış səsi eşidilib.Bu barədə "Tasnim" agentliyi məlumat yayıb.

Agentliyin məlumatına görə, partlayışların səbəbi hələlik məlum deyil. Bəzi mənbələr səslərin İslam İnqilabı Keşikçiləri Korpusunun Hərbi Dəniz Qüvvələrinin Hörmüz boğazından qanunsuz keçidlərlə bağlı həyata keçirdiyi əməliyyatlarla əlaqədar ola biləcəyini qeyd edib.

Məlumatların dəqiqləşdirilməsi istiqamətində araşdırmalar davam etdirilir.