XİN-də diplomatik xidmətə qəbul üzrə müsabiqəyə qeydiyyat müddəti uzadılıb

Azərbaycan Xarici İşlər Nazirliyində diplomatik xidmətə qəbul üzrə müsabiqəyə qeydiyyat müddəti uzadılıb.Bu barədə nazirlikdən məlumat verilib.

Bildirilib ki, çoxsaylı müraciətlərin olduğu nəzərə alınaraq, müsabiqəyə qeydiyyat 15 may 2026-cı il saat 18:00-dək aparılacaq.

Müsabiqədə iştirak etmək üçün Dövlət İmtahan Mərkəzinin internet portalında "Xarici İşlər Nazirliyinə qəbul üzrə müsabiqədə iştirak etmək üçün onlayn qeydiyyat" xidməti vasitəsilə qeydiyyatdan keçmək zəruridir.

Müsabiqə prosesi barədə daha ətraflı məlumatla aşağıdakı keçiddə tanış olmaq mümkündür:

//exidmet.dim.gov.az/elimt/xintest/elan