Netanyahu İrana qarşı hərbj əməliyyat zamanı BƏƏ-yə gizli səfər edib

İsrailin Baş naziri Benyamin Netanyahu ABŞ və İsrailin İrana qarşı əməliyyatı zamanı BƏƏ-yə gizli səfər edib.Bu barədə Times of Israel nəşri İsrail Baş nazirinin Ofisinə istinadən məlumat yayıb.

Məlumata görə, Netanyahu BƏƏ Prezidenti Məhəmməd bin Zayed Al Nahyan ilə görüşüb. Baş nazirin Ofisi səfərin İsrail ilə BƏƏ arasında münasibətlərdə “tarixi irəliləyişə” səbəb olduğunu bildirib.

Həftənin əvvəlində ABŞ-nin yüksəkvəzifəli rəsmiləri İsrailin İranla müharibə zamanı BƏƏ-yə “Dəmir günbəz” hava hücumundan müdafiə sistemi və onu idarə etmək üçün hərbçilər göndərdiyini təsdiqləyiblər.

Bundan əlavə, ərəb rəsmilərinin “The Wall Street Journal”a verdiyi məlumata görə, “Mossad”ın rəhbəri David Barnea münaqişə dövründə fəaliyyətlərin əlaqələndirilməsi məqsədilə azı iki dəfə BƏƏ-yə səfər edib.

Məlumatda qeyd olunub ki, tərəflər İranın iri neft-kimya kompleksinə hücumun koordinasiyasını da həyata keçiriblər.