İsrailin zərbələri nəticəsində Livanda ölənlərin sayı 3 100 nəfəri ötüb

Martın 2-dən bəri İsrailin Livana endirdiyi aviazərbələr nəticəsində ölənlərin sayı 3 123 nəfərə çatıb, 9 506 nəfər yaralanıb.Bu barədə Livan Səhiyyə Nazirliyi “X” platformasında məlumat yayıb.

Nazirliyin məlumatına görə, İsrail Hərbi Hava Qüvvələri Livanın cənub və şərq bölgələrinə zərbələri davam etdirir. Son 24 saat ərzində 12 nəfər həlak olub, 109 nəfər yaralanıb.

Bildirilib ki, Nəbatiyyə və Tir şəhərlərində axtarış-xilasetmə əməliyyatları, eləcə də dağıdılmış binaların qalıqlarının təmizlənməsi davam edir. Bu səbəbdən ölən və yaralananların sayının artacağı istisna edilmir.