Ermənistanda seçkilərinin yekun nəticələri iyunun 14-də açıqlanacaq

Ermənistanda iyunun 7-də keçirilmiş parlament seçkilərinin yekun nəticələri iyunun 14-də açıqlanacaq.Bu barədə Ermənistan Mərkəzi Seçki Komissiyasının sədri Vaaqn Ovakimyan bildirib.

Onun sözlərinə görə, yekun nəticələr elan olunana qədər səslərin yenidən sayılması, texniki düzəlişlər və daxil olmuş şikayətlərin araşdırılması prosesi davam edəcək.

İyunun 7-də keçirilən seçkilərdə bülletenlərin 100%-nin emalının nəticələrinə əsasən, Baş nazir Nikol Paşinyanın rəhbərlik etdiyi "Vətəndaş Müqaviləsi" Partiyası səslərin 49,83%-ni qazanıb.

İkinci yeri iş adamı Samvel Karapetyanla əlaqələndirilən "Güclü Ermənistan" Partiyası 23,28% səslə tutub. Keçmiş prezident Robert Köçəryanın rəhbərlik etdiyi "Ermənistan" bloku isə 9,93% səs toplayıb.