ABŞ və İran arasında texniki səviyyədə danışıqlar davam edir

ABŞ və İran arasında nüvə proqramı ilə bağlı texniki səviyyədə danışıqlar davam edir. Bu barədə ABŞ-ın BMT-dəki daimi nümayəndəsi Mayk Uolts bildirib.

Uoltsun sözlərinə görə, müzakirələr BMT müfəttişlərinin İrana çıxışı, uranın zənginləşdirilməsi səviyyəsinin azaldılması və Tehranın nüvə silahı əldə etməsinin qarşısının alınmasına yönəlmiş digər məsələləri əhatə edir.

O qeyd edib ki, ABŞ Prezidenti Donald Tramp diplomatiyaya üstünlük verir, lakin onun səbri "sonsuz deyil" və Vaşinqton İrana təsir göstərmək üçün bütün variantları nəzərdən keçirməkdə davam edir.