Kats: İran raket zərbəsi endirərsə, hərbi əməliyyatlar dərhal bərpa oluna bilər

İsrail İran tərəfindən raket zərbəsi endiriləcəyi təqdirdə hərbi əməliyyatları dərhal bərpa etməyə hazırdır.Bu barədə "Ynet"ə açıqlamasında İsrailin müdafiə naziri İsrael Kats bildirib.

Nazirin sözlərinə görə, hərbi əməliyyatların yenidən başlaması iki halda mümkün ola bilər: ABŞ Prezidenti Donald Trampın Tehranla danışıqları nəticəsiz hesab etməsi və ya İranın İsrailə raket zərbəsi endirməsi.

"Əgər İran İsrailə raket atarsa, buna güclü cavab veriləcək. İranın İsrailə atəş açdığı heç bir vəziyyəti qəbul etməyəcəyik. Bu mövqe ABŞ-yə də çatdırılıb. İsrail Müdafiə Qüvvələri tam hazırlıq vəziyyətindədir və müəyyən edilmiş hədəflərə malikdir", - Kats deyib.