Yakutiyada meşə yanğınlarına görə fövqəladə vəziyyət elan ediləcək

Rusiyanın Yakutiya regionunda meşə yanğınları ilə əlaqədar iyulun 10-dan fövqəladə vəziyyət elan ediləcək.Bu barədə Yakutiya rəhbəri Aysen Nikolayev bildirib.

Onun sözlərinə görə, bölgədə davam edən isti hava şəraiti meşə yanğınları ilə bağlı vəziyyəti ağırlaşdırır. Nikolayev qeyd edib ki, Yakutiyanın mərkəzi rayonlarında havanın temperaturu 35–36 dərəcəyədək yüksəlir.

O əlavə edib ki, yaxın günlərdə temperaturun enməsi güclü külək və ildırımla müşayiət oluna bilər ki, bu da yeni yanğınların baş verməsi və mövcud ocaqların genişlənməsi riskini artırır.