Oman və İran Hörmüz boğazı ilə bağlı danışıqları davam etdirəcəklər

Oman və İran rəsmiləri Maskatda Hörmüz boğazında gəmiçiliyin təhlükəsizliyi, dəniz nəqliyyatının fasiləsiz fəaliyyəti və Tehranla Vaşinqton arasında artan gərginlik fonunda naviqasiya azadlığının təmin olunmasını müzakirə ediblər. Bu barədə Omanın Xarici İşlər Nazirliyi "X" sosial şəbəkəsində məlumat yayıb.

Məlumata görə, danışıqlarda Oman nümayəndə heyətinə xarici işlər naziri Bədr bin Həmid Əl-Busaidi, İran nümayəndə heyətinə isə xarici işlər naziri Abbas Əraqçi rəhbərlik edib.

Nazirlik bildirib ki, tərəflər beynəlxalq hüquqa uyğun mexanizmlər üzrə razılığa gəlmək məqsədilə texniki və siyasi səviyyələrdə danışıqları davam etdirmək barədə razılığa gəliblər.