Rusiya Ermənistan məhsullarının idxalına məhdudiyyətləri aradan qaldıra bilər

Rusiya Ermənistanın kənd təsərrüfatı məhsullarının idxalına tətbiq olunan məhdudiyyətləri məhsulların təhlükəsizliyi və məcburi tələblərə uyğunluğu təmin edilərsə aradan qaldıra bilər.

Rusiya Kənd Təsərrüfatı Nazirliyi bildirib ki, Ermənistan istehsalçılarının öz xammalından istifadə etməsi, pestisidlərə nəzarət və tədarüklərin izlənilə bilməsi idxalın bərpası üçün əsas şərtlər sırasındadır.

Məsələ Rusiyanın kənd təsərrüfatı naziri Oksana Lut ilə Ermənistanın iqtisadiyyat naziri Gevorq Papoyan arasında Almatıda keçirilən görüşdə müzakirə olunub.

Rusiya tərəfi həmçinin Ermənistan məhsullarının Avrasiya İqtisadi İttifaqının baytarlıq və fitosanitar standartlarına tam uyğunluğunu prioritet hesab etdiyini bildirib.