Paşinyan Ermənistanın Rusiyadakı səfirini geri çağırır — Erməni KİV

Ermənistanın baş naziri Nikol Paşinyan ölkənin Rusiyadakı səfiri Qurgen Arsenyanın fəaliyyətindən narazıdır və onu geri çağırmaq niyyətindədir. Bu barədə "Vesti.az" Ermənistan mediasına ("Armlur") istinadən xəbər verir.

Məlumata görə, səfirin geri çağırılması barədə qərar artıq verilib, qətidir və bu addım Ermənistan-Rusiya münasibətlərində artan gərginliklə əlaqələndirilir. Ermənistanın Moskvadakı yeni səfirinin namizədliyi hələlik müəyyənləşməyib. Rəsmi İrəvan məsələ ilə bağlı hələlik heç bir şərh verməyib.

Qeyd edək ki, Qurgen Arsenyan 2024-cü ilin avqustundan etibarən Ermənistanın Rusiyadakı səfiri vəzifəsində çalışır. Təyinatından əvvəl o, hakim "Vətəndaş Müqaviləsi" partiyasından parlamentin deputatı olub.

N.Təbrizli