Putin: "Krımın ilhaqına şəxsən nəzarət etdim"

ANN.Az xarici ölkə mediasına istinadən xəbər verir ki, Putin Krımın ilhaqının birinci ili münasibətilə Rusiya birinci telekanalının hazırladığı "Krım, vətən yolu" sənədli filmində bəyanatlar verib.

Krımın Rusiyaya birləşdirməsi prosesilə bilavasitə maraqlandığını qeyd edən Putin "Bizim üstünlüyümüz nə idi, bilirsinizmi? Mənim bu işlə şəxsən məşğul olmağım, hər şeyi doğru etdiyimdən irəli gəlmir, ancaq bu işi dövlətin ümdə məsələsinə çevirdiyimdən digərləri üçün də məsələ asanlaşdı" - deyib.

Putin Ukraynada "meydan hadisələri" baş verməsəydi, Krımı anneksiya etmək kimi bir düşüncəsinin olmayacağını ifadə edib: "Ukraynalı radikal qrupların Krımda aksiya planlaşdırdıqları barədə məlumat almışdıq. Ukraynada baş verənlərin fonunda Krımda yaşayan xalqı tək başına buraxa bilməzdik".

Bütün bunlara baxmayaraq, Rusiyanın Ukraynaya hərbi kontingent göndərmədiyini qeyd edən Putin belə deyib: "Rusiyanın Krımdakı hərbi bazalarının mövcud sayı məhdudiyyətləri aşmayıb. Beynəlxalq müqavilələrə uyğun olaraq orada 20 min əsgərimiz var".

Putin o dövrdə Krımda hadisələrin istənilən yönə istiqamətlənməsinə hazır olduqlarını bildirib: "İstənilməyən hadisələr baş verəcəyi təqdirdə Rusiyanın nüvə gücünü nümayiş etdirməyə, həyəcan yaratmağa hazır idik".

Referendum zamanı təhlükəsizliyin təmin olunması üçün gördüyü tədbirlərlə Krımı "qalaya çevirdiklərini" bildirən Putin hərbi fəallığın yüksək səviyyədə olduğunu və 20 min tam təchizatlı əsgər, çox sayda S-300 raketi və zirehli maşınların hazır vəziyyətdə olduğunu vurğulayıb. Putin dəniz təhlükəsizliyi məqsədilə "Bastion" raketlərinin də Krıma çevrildiyini qeyd edib.

 

Putin 21 Fevral gecəsi Ukraynadan qaçmaq istəyən keçmiş prezident Viktor Yanukoviçlə daim telefonla danışdığını bildirib, onun Rusiyaya gətirilməsi üçün xüsusi qüvvələrə əmr verdiyindən danışıb.

Yanukoviçin rus vertolyotları vasitəsilə Kiyevdən Krıma aparıldığına işarə edən Putin onun daha sonra Rusiya ərazisinə çatdırıldığını deyib