Ermənilərin müharibə dövründə atdığı kasetli bomba partladı - Ölən var

Yevlaxda İkinci Qarabağ Müharibəsi dövründə ermənilərin atdığı kasetli bomba qalığı partlayıb.

Hadisə rayonun Aran qəsəbəsində baş verib. Qəsəbə sakini, 26 yaşlı İsmayıl Mikayılov qəsəbənin otlaq sahəsində qoyun otararkən ərazidəki şübhəli əşyaya toxunub. Nəticədə həmin əşya partlayıb və o aldığı xəsarətlərdən hadisə yerində dünyasını dəyişib.

Hadisə yerinə dərhal polis və prokurorluq orqanlarının əməkdaşları gələrək hadisə yerinə və meyitə baxış keçirib, məhkəmə tibb ekspertizası keçirilib.