Yasamalda yanan ev söndürülüb - YENİLƏNİB

 Bakının Yasamal rayonu, N.Nərimanov prospektində yaşayış evində baş verən yanğının qarşısı alınıb.
 
Anews.az xəbər verir ki, Fövqəladə Hallar Nazirliyinin Dövlət Yanğından Mühafizə Xidmətinin əməkdaşları tərəfindən yanğın lokallaşdırılaraq söndürülüb. Hazırda soyutma işləri aparılır.

---

Bakıda ev yanır.

Bu barədə Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, FHN-in (FHN) "112” qaynar telefon xəttinə paytaxtın Yasamal rayonu, N.Nərimanov prospektində yaşayış evində yanğın olması barədə məlumat daxil olub.

Məlumat qəbul ediləndən dərhal FHN-in Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.

Hazırda yanğınsöndürmə işləri davam etdirilir.