Azərbaycanda yağışlı və küləkli hava davam edir, dağlara qar yağıb

Azərbaycanda yağıntılı və küləkli hava şəraiti davam edir, bəzi dağlıq ərazilərə qar yağıb. Bu barədə Milli Hidrometeorologiya Xidmətinin noyabrın 8-i saat 11:00-a olan məlumatında bildirilir.

Daşkəsən, Kəlbəcər və Şahdağa qar yağıb. Qar örtüyünün hündürlüyü Şahdağda 3, Kəlbəcərdə 2 santimetr olub.

Bakının Maştağa qəsəbəsində 18, Binədə 12, Bakıda 11, Sumqayıtda 4 millimetr yağıntı qeydə alınıb. Rayonlarda ən çox yağıntı Şahbuz və Qaxın Sarıbaş kəndində — 12 millimetr olub. Naxçıvan, Ordubad, Sədərək və Zaqatalada 9, Gədəbəy və Ağstafada 8, Şərur və Culfada 7, Xaçmazda 6, Qubada 5, Qusar və Balakəndə 4, Lerikdə 3, Göygöl, Gəncə, Şəmkir, Tovuz və Neftçalada 2 millimetr yağıntı qeydə alınıb. Bir sıra digər rayonlarda yağıntı 1 millimetr olub. Laçın, Qubadlı, Şuşa, Xankəndi, Xocalı və Füzulidə də arabir yağış yağıb.

Şimal-qərb küləyinin maksimal sürəti Mingəçevirdə saniyədə 28, Bakı və Abşeron yarımadasında 26, Goranboyda 23, Naftalanda 22, Şabran və Tərtərdə 18 metrə çatıb.

Şərur, Daşkəsən, Göygöl, Qaxın Sarıbaş kəndi, Şəki, Şamaxı, Qobustan, Altıağac, Qusar, Göyçay və Lerikdə duman müşahidə olunub. Görünüş məsafəsi 500 metrədək azalıb