Mehriban Əliyeva Zəfər Günü ilə bağlı paylaşım edib

Mehriban Əliyeva 8 Noyabr – Zəfər Günü münasibətilə sosial media hesablarında paylaşım edib.

Mehriban Əliyeva paylaşımında Azərbaycan Prezidenti İlham Əliyevə, Azərbaycan Ordusunun əsgər və zabitlərinə, həmçinin müharibə veteranlarına təşəkkürünü bildirib.

“Bu gün biz böyük qürurla Zəfər Gününü qeyd edirik! Biz Prezidentimizə, cəsarətli əsgərlərimizə, zabitlərimizə və veteranlarımıza hədsiz dərəcədə minnətdarıq! Qəhrəmanlığınıza, şücaətinizə, cəsarətinizə, dözümlülüyünüzə, bugünkü bayramı müzəffər xalq kimi qeyd etdiyimizə görə çox sağ olun!” – paylaşımda qeyd olunub.

Mehriban Əliyeva Vətən uğrunda həlak olan hərbçilərin xatirəsini ehtiramla yad edib və onların ailələrinə səbir diləyib.

“Qoy Azərbaycanda həmişə sülh və əmin-amanlıq hökm sürsün!” – deyə Birinci vitse-prezident əlavə edib.