Əli Əliyevin məhkəməsi təxirə düşüb

Yasamal rayon Məhkəməsində Vətəndaş və İnkişaf Partiyasının sədri Əli Əliyevin bu günə təyin olunan məhkəmə prosesi təxirə düşüb,bu barədə anews.az-a vəkil Cavad Cavadov bildirib.

 

Onun sözlərinə görə məhkəmə prosesi aprelin 22-nə təyin olunub.

 

"Məlum olmayan səbəbə görə Əli Əliyev məhkəməyə gətirilməyib. Məhkəmədən xahiş etdik ki, onun iştirakı olmadan baxılsın. Məhkəmə isə razılaşmadı. Bu səbəbdən təxirə düşdü - vəkil bildirib.

 

2021-ci il noyabrın 30-da qəzaya uğrayan Dövlət Sərhəd Xidmətinə (DSX) məxsus Mi-17 tipli helikopterdə sağ qalan polkovnik-leytenant Emil Cəfərov və kapitan Ramin Ədilov VİP sədri Əli Əliyevə qarşı Azərbaycan Respublikası Cinayət Məcəlləsinin 147.1-ci (Böhtan) maddəsinə uyğun olaraq xüsusi ittiham qaydasında şikayət edilib.