2026-cı ilə qədər Azərbaycana gələn turistlərin sayının 4 milyona çatması planlaşdırılır

Yaxın 3 ildə yerli turistlərin illik sayının 6 milyona çatdırılması nəzərdə tutulub, bunu Dövlət Turizm Agentliyin sədri Fuad Nağıyev Bakı Ekspo Mərkəzində keçirilən 19-cu Azərbaycan Beynəlxalq Turizm və Səyahətlər Sərgisinin ("AITF 2023") açılış mərasimində söyləyib.

"Azərbaycanda turizmin inkişafı üçün böyük potensial var və bu məsələ bizim üçün vacibdir. Məqsədimiz koronavirus pandemiyasından əvvəlki vəziyyəti bərpa etməkdir.

 

Dövlət Sərhəd Xidmətinin məlumatına əsasən, 2022-ci ildə Azərbaycana dünyanın 178 ölkəsindən 1602,3 min və ya əvvəlki illə müqayisədə 2 dəfə çox əcnəbi və vətəndaşlığı olmayan şəxs gəlib.

 

2021-ci illə müqayisədə xarici ölkələrə gedən Azərbaycan Respublikası vətəndaşlarının ümumi sayı 1,5 dəfə artaraq 1489,5 min nəfər olub. İrana gedən Azərbaycan vətəndaşlarının sayı 3,1 dəfə, Gürcüstana gedənlərin sayı 1,7 dəfə, Türkiyəyə gedənlərin sayı 1,4 dəfə, Rusiya Federasiyasına gedənlərin sayı isə 12,9 faiz artıb. Ölkə vətəndaşlarının 44,0 faizi Türkiyəyə, 18,0 faizi Rusiya Federasiyasına, 13,6 faizi İrana, 8,6 faizi Gürcüstana, 15,8 faizi digər ölkələrə səfər edib. Gedənlərin 64,2 faizini kişilər, 35,8 faizini qadınlar təşkil edib.

 

 

Aytac Zeynalova