Mikayıl Cabbarovun müavini - AZAL-ın fəaliyyəti dövlət siyasətinə uyğundur

 

"Dövlətin məqsədi qurumları cəzlalandırmaq deyil. Oyunculara xəbərdarlıq prosesini izah etməkdir. Burada AZAL-ın adı çəkildi. Mən hazırda AZAL-da Müşahidə Şurasının üzvüyəm. Onların xidmətləri də dövlət siyasətinə uyğundur", - Əliyec çərşənbə axşamı Milli Məclisin İqtisadi siyasət, sənaye və sahibkarlıq komitəsində Rəqabət Məcəlləsinin layihəsi ilə bağlı ictimai dinləmədə bildirib. 

 

Millət vəkili Tahir Mirkişili vurğulayıb ki, AZAL-la yanaşı 13 avaşirkət Azərbaycana uçuşlar həyata keçirə bilir. 

 

Bundan əvvəl Milli Məclisin bir neçə deputatı "AZAL"-ı inhisarçılıqda tənqid etmişdi. Deputatlar bildirmişdi ki, qurum uçuşları çox baha qiymətlə həyata keçirir. 

 

Mili Məclisin sentyabrın 26-da "Rəqabət Məcəlləsi" layihəsi ilə bağlı keçirilən dinləməsində deputat Razi Nurullayev sual ünvanlayaraq bildirib ki, bu qanunda haqsız rəqabətə nəzarət necə olacaq? Nurullayev AZAL-ı misal çəkərək nəzarət mexanizminin necə işləməsi ilə bağlı sual ünvanlayıb. 

 

Milli Məclisdə Rəqabət Məcəlləsi layihəsi üzrə ictimai dinləmə keçirilib. Dinləmələrdə ekspertlər bir sıra təkliflər verib. Yeni layihə 12 fəsil, 83 maddədən ibarətdir. Layihəənin müzakirəsi davam etdiriləcək. 
 
Hazırda sahibkarlıq sahəsində rəqabət mühiti 1995-ci il tarixli "Haqsız Rəqabət haqqında" və 1993-cü ildə qəbul olunan "Antiinhisar fəaliyyəti haqqında" qanunlarla tənzimlənir.

 

Gülnar Nazimqızı