Onlar Milli Məclisə gələndə çətin suallarla üz-üzə qalacaq - Deputat

Yağan leysan yağışlarından sonra evləri su altında qalan vətəndaşlara görə aiddiyatı qurumlara zəng edilməsinə baxmayaraq işinin öhdəsindən gəlməyiblər. Bunu Milli Məclisin deputatı Razi Nurullayev deyib. 

"Güclü yağan yağışlarda vətəndaşlara dəstək məsələsində ancaq Daxili İşlər Nazirliyi və Fövqəlada Hallar Nazirliyinin dəstəyini gördük. Digər aiddiyatı qurumlar işinin öhdəsindən gələ bilməyib. Bundan əlavə edilən zənglərə də cavab verməyiblər. Burdan səslənirəm ki, həmin qurumlar Milli Məclisə gəldikləri zaman çətin suallarla üz-üzə qalacaqlar. Hər bir qurum öz işini layiqincə yerinə yetirməlidir", - deputat  “Azərbaycan Respublikası Fövqəladə Hallar Nazirliyinin 20 illiyi (2005-2025)” Azərbaycan Respublikasının yubiley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsinə münasibət bildirərkən qeyd edib. 

Deputat Fövqəlada Hallar Nazirliyinin 20 illik yubley medalını da yüksək qiymətləndirib. 

Gülnar Nazimqızı