2025-ci ildə mənfəət vergisi üzrə banklar - Kapital Bank liderdir

Azərbaycan bankları 2025-ci ildə dövlət büdcəsinə ümumilikdə 316,78 milyon manat məbləğində mənfəət vergisi ödəyib. Bu, 2024-cü ildə ödənilmiş 196,6 milyon manat ilə müqayisədə 120,2 milyon manat və ya 61% çoxdur.

Dövlət büdcəsinə ən çox mənfəət vergisi ödəyən bankların siyahısına Kapital Bank başçılıq edir. Bank 2025-ci ildə 86,18 milyon manat vergi ödəyərək sektor üzrə liderliyini qoruyub.

İkinci yerdə 82,22 milyon manat ödənişlə ABB, üçüncü yerdə isə 52,79 milyon manat ilə PAŞA Bank qərarlaşıb. Bank Respublika 16,15 milyon manat ilə dördüncü, Xalq Bank isə 13,78 milyon manat ödənişlə beşinci yerdə yer alıb.

Mənfəət vergisi bankların maliyyə ili üzrə əldə etdikləri xalis mənfəətdən dövlət büdcəsinə ödədikləri vergidir. Azərbaycanda banklar üçün mənfəət vergisinin dərəcəsi 20% təşkil edir.