Azərbaycanı “Eurovision”da təmsil edəcək mahnının klipi - VİDEO

ANS PRESS-in  mahnı müsabiqəsinin rəsmi saytına istinadən verdiyi məlumata görə, bir neçə gün əvvəl 21 yaşlı müğənni Səmra "Eurovision” 2016 mahnı müsabiqəsində Azərbaycan təmsilçisi kimi elan edilib. Bu gün isə SəmranınStokholmda ifa edəcəyi mahnının klipi yayılıb. Klipdə müğənni sayrışan işıqlar altında mikrofon qarşısında dayanaraq mahnını ifa edir.

Müsabiqənin rəsmi saytına müsahibə verən Səmra mahnı haqda təəsüratlarını bölüşüb.

"Bu mahnı ağrılı-acılı bir hekayə olsa da, ballada deyil. Bu mənim üçün, güclü və cəsur bir qızın himnidir. Ümid edirəm ki bu mahnı öz sevgisini  itirənlərə  ilham verəcək və doğru qərar verməklərinə də kömək edəcək. Bu mənim üçün real möcüzə ola bilər”, -deyə Səmra bildirib.