Gənc Tamaşaçılar Teatrının yaradıcı heyəti Beynəlxalq festivaldan qayıtdı - FOTOLAR
06.05.2016 16:31
Türkiyə Cumhuriyyətinin Trabzon şəhərində keçirilən XVII Qara dəniz ölkələri Beynəlxalq Teatr Festivalında teatrın direktoru Əməkdar İncəsənət Xadimi Mübariz Həmidovun rəhbərliyi ilə uğurla iştirak edən Dövlət Gənc Tamaşaçılar Teatrının yaradıcı heyəti artıq Vətənə dönüb.
May ayının 2-dən start götürən festivalın açılış mərasimində Türkiyə Cumhuriyyətinin Dövlət Teatrları baş müdiri Necat Birecik, Trabzon Böyükşəhər Bələdiyyə başkanı Orxan Fevzi Gümrükçüoğlu və Trabzon Valisi Abdil Celil Öz çıxış edərək 17-ci ilinə qədəm qoyan festivalda iştirak edən teatr kollektivlərinə uğurlar arzu ediblər. Çıxış edənlər zəngin adət-ənənələrə, mədəniyyətə, ədəbiyyata sahib olan Trabzonun bu irsinin gələcək nəsillərə ötürülməsində keçirilən festivalın önəmindən danışıblar.
Çıxışlardan sonra Trabzon Dövlət Teatrı istiqamətində yürüyüş edən festival iştirakçılarını bir sıra tarixi qəhrəman obrazları müşaiyət ediblər.
Festivalın ilk günü Ankara Dövlət Teatrının aktyorlarının ifasında "Nəşə, Dərd, Eşq” adlı tamaşa nümayiş etdirilib.
Festivalın ikinci günündə teatrımızın yaradıcı heyəti Trabzon Dövlət Teatrının Haluk Ongan səhnəsində Rumın dramaturqu Matey Vişnekin "Qoca kloun” tamaşası ilə çıxış edib. Sürəkli alqışlarla qarşılanan tamaşamız festival iştirakçıları tərəfindən xüsusilə bəyənilib. Tamaşa festivalın diplomu və xüsusi mükafatına layiq görülüb.
Məlumat üçün bildirək ki, 18 gün davam edəcək festivalda dünyanın bir çox ölkələrindən nüfuzlu teatr kollektivləri iştirak edirlər.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
