Dilarə Kazımova 3-cü oxuyacaq

ANS PRESS-in məlumatına görə, Azərbaycanı təmsil edən Dilarə Kazımova 3-cü çıxış edəcək.

Qeyd edək ki, Danimarkanın paytaxtı Kopenhagen şəhərində keçirilən “Eurovision-2014” mahnı müsabiqəsinin ikinci yarımfinalı may ayının 8-də böyük uğurla başa çatıb.

Mayın 10-da keçiriləcək və Azərbaycanın da çıxış edəcəyi “Eurovision-2014” mahnı müsabiqəsinin təmsilçilərinin final mərhələsində çıxış ardıcıllığı belədir: 

1.Ukrayna, 2.Belarus, 3.Azərbaycan, 4.İslandiya, 5.Norveç, 6.Rumıniya, 7.Ermənistan, 8.Monteneqro, 9.Polşa, 10.Yunanıstan, 11.Avstriya, 12.Almaniya, 13.İsveç, 14.Fransa, 15.Rusiya, 16.İtaliya, 17.Sloveniya, 18.Finlandiya, 19.İspaniya, 20.İsveçrə, 21.Macarıstan, 22.Malta, 23.Danimarka, 24.Niderland, 25.San Marino, 26.Birləşmiş Krallıq.

“Eurovision” mahnı müsabiqəsinin icraçı direktoru Yan Ola Sand və təşkilat komitəsinin digər üzvlərinin təsdiq etdikləri final mərasimində çıxış edəcək ölkələrin ardıcıllığı şounun prodüserləri və Danimarkanın rəsmi yayım hüququ olan “DR” telekanalı tərəfindən müəyyənləşib.