Rus Dram Teatrında maraqlı tamaşalar

Səməd Vurğun adına Azərbaycan Dövlət Rus Dram Teatrının gələn ilin yanvar ayı üçün repertuarı maraqlı tamaşalarla zəngindir.AzərTAc xəbər verir ki, yanvarın 10-da R.Baerin “Qarışıq hisslər”, ayın 11-də M.Zadornovun “Ər almaq istəyirəm”, 12-də O.Yernevin “Yeni il gecəsində məhəbbət intriqaları” tamaşaları göstəriləcəkdir.Teatrın kollektivi yanvarın 17-də R.Kuninin “Həddindən artıq evli taksi sürücüsü”, ayın 18-də Elçinin “Cəhənnəm sakinləri”, 19-da F.Dostoyevskinin eyniadlı əsəri əsasında hazırlanmış “Karamazov qardaşları” tamaşasını nümayiş etdirəcəkdir.Teatrsevərlər yanvarın 22-də M.Kamolettinin “Ah, bu Anna”, ayın 24-də A.İvanovun “Adaxlı çağırmısınız, qızlar?”, 25-də V.Stanilovun “Opera Mafiozo” tamaşalarına baxa bilərlər.Yanvarın 26-da M.Lermontovun “Maskarad”, ayın 29-da J.Rasinin “Fedra”, 31-də C.Ostinin “Qürur və qərəz” tamaşaları göstəriləcəkdir.Teatrın kollektivi həmişə olduğu kimi, yanvar ayında da balaca tamaşaçıları unutmamışdır.Yanvarın 1-dən 6-dək, həmçinin ayın 11-də və 12-də uşaqlar üçün Yeni il tamaşası göstəriləcəkdir.Yanvarın 18-də V.Reznikovanın “Durnabalığının buyruğu ilə”, 19-da Y.Şutskinin “Morozko” tamaşaları nümayiş etdiriləcəkdir.A.S.Puşkinin “Çar Saltan, onun oğlu şərəfli və cəsur pəhləvan knyaz Qvidon və gözəl şahzadə Sona haqqında nağıl”ı əsasında hazırlanmış “Çar Saltan, knyaz Qvidon və şahzadə Sona haqqında nağıl”ın premyerası isə yanvarın 25-də və 26-da olacaqdır.ANN.Az