İsraildə Xocalı faciəsinin qurbanlarının xatirəsi anılıb

İsraildə Sokolov adına Jurnailstlər evində, Londonda keçirilən və 1992-ci ilin 25-dən 26-na keçən gecə Azərbaycanın Xocalı şəhərində baş verən hadisələrə həsr olunan TEAS-2017 beynəlxalq ədəbiyyat müsabiqəsinin "Qara qardələnlər” qalib-kitabının təqdimat mərasimi keçirilib.

ANN.Az xəbər verir ki, bu barədə Report-a "Azərbaycan-İsrail” Beynəlxalq assosiasiyasından bildiriblər.

Məlumata görə, təqdimat mərasimində iştirak edən "Qara qardələnlər” povestinin müəllifləri İsraildə yaşayan kinodramaturq Yefim Abbasov və Çexiya və Azərbaycan Yazıçılar ittifaqının üzvü şairə Leyla Bəyim, həmin gecə baş verən dəhşətli hadisələr, eləcə də Xocalıda əzablara düçar qalmış azərbaycanlıların taleyinə laqeyid qala biloməyiblər. Povest bu faciənin qurbanlarının xatirəsinə həsr edilib.  

Tədbirdə İsrail Parlamentinin deputatları Robert İlatov və Konstantin Ravozov, Azərbaycanın Milli Məclisinin deputatı Fuad Muradov, israilin Diplomatik korpusunun nümayəndələri, bələdiyyə rəhbərləri, ictimai təşkilatların rəhbərləri, jurnalistlər, əslən Azərbaycandan olan hazırda İsraildə yaşayan vətəndaşlar iştirak ediblər.

Robert İlatov tədbir iştirakçılarına müraciət edərək, erməni nasistlərinin Xocalıda yqzlərlə günahsız insanın qətlinə, onlarla insanın itkin düşməsinə, minlərlə insanın evsiz-eşiksiz qalmasına səbəb olaninsanlıqdan uzaq olan hərəkətlərini pisləyib.

İsrail Parlamentinin deputatı Konstantin Ravozov Xocalıda öldürülən və doğma yurdlarından didərgin düşən azərbaycanlıların kədərinə şərik olduğunu bildirib, bununla yanaşı ictimaiyyəti bu qəbildən olan vəhşiliklərin gələcəkdə təkrarlanmamaıs üçün unudulmamsının gərək olduğunu bildirib.

Furad Muradov tədbirin təşkilatçılarına Azərbaycanın mürəkkəb geo-siyasi vəziyyətinə həssas yanaşma üçün  təşəkkür edib, eləcə də Azərbaycan hakimiyyətinin 25 il müddətində qaçqın və məcburi köçkünlərə göstərdiyi qayğıdan və Dağlıq Qarabağ münaqişəsinin tezliklə həll edilməsi üçün əlindən gələni etdiyini danışıb.

Tədbir ədəbi-musiqili hissə ilə davam edib. Tədbirin sonunda İsrail və Azərbaycanın himni səslənib.

Qeyd edək ki, tədbir "Xocalıya ədalət” beynəlxalq informasiya kampaniyası çərçivəsində təşkil edilib.

www.ann.az